Եվրոպական կրթական տարածաշրջանային ակադեմիան (ԵԿՏԱ) պետության մասնակցությամբ, շահույթ չհետապնդող հիմնադրամ է, որը  բուհական և հետբուհական կրթությունից բացի առաջարկում է նաև եվրոպական չափորոշիչներին համապատասխան մասնագիտական վերապատրաստման և վերաորակավորման դասընթացներ: ԵԿՏԱ-ն ստեղծվել է եվրոպական մի շարք երկրների կրթական հաստատությունների հետ կնքված պայմանագրերի և համաձայնագրերի հիման վրա: Ծրագիրը կյանքի է կոչվել ՀՀ Կառավարության 2001 թ. հոկտեմբերի 15–ի N 978 որոշմամբ: ՀՀ կառավարությունը հանդիսանում է ԵԿՏԱ-ի հիմնադիր կողմ:

ԵԿՏԱ-ի մասնաճյուղերը գործում են Գյումրի, Վանաձոր,  Գավառ և Իջևան քաղաքներում: Ակադեմիան իր եվրոպական գործընկերների հետ Երևանում և ՀՀ տարբեր մարզերում իրականացնում է նաև կարճաժամկետ կրթական ծրագրեր նպատակային տարբեր խմբերի համար: